Linda Rós 3.0

Föstudaginn 3.júlí bjóðum við til léttrar veislu hér á Valhöll.

Tilefnið er að nýir rekstraraðilar hafa tekið við og hafa hug á að hefja Hótel Valhöll til vegs og virðingar á ný .

Hótel Valhöll á sér langa og merka sögu,enda staðsett á einum af okkar helgasta og merkasta stað, í Þjóðgarðinum á Þingvöllum.

Margar merkar veislur hafa verið hér í gegnum tíðina og hér á árum áður var heimsókn á Valhöll fastur liður í lífi íslendinga.

Okkur langar til að fagna því að vera hérna í þessari náttúruperlu á þessum yndislega stað og í þessu gamla sjarmerandi húsi sem Valhöll er.

Bjóðum alla velkomna og þiggja léttar veitingar að hætti Valhallar ,milli kl:19.00 – 21:00 þar sem boðið verður upp á fingurmat m.a.smakk á silung , smá bakkelsi, flatkökur o.fl. og drykkur með.

Hápunktur kvöldsins verður síðan þegar

Helgi Björns stígur á svið og syngur gamlar og hugljúfar íslenskar dægurperlur við undirleik þeirra Kjartans Vald., hljómborðsleikara og Stefáns Más Magnússonar , gítarleikara, þetta verður upphafið að fleiri tónleikum og öðrum uppákomum.

Með von um að sjá sem flesta að njóta með okkur