Linda Rós 3.0

Í gær vorum við Anna á leiðinni niður í sjoppu þegar ég tók eftir hjólreiðamanni fyrir framan okkur sem var með eitthvað sem leit út fyrir að vera hundur, mér fannst það mjög merkilegt því ég man ekki eftir að hafa nokkurn tíman séð hjólreiðamann hérna með hund. En eitthvað var þetta skrýtið því hann var eitthvað að stugga honum í burtu. Þegar við komum nær þá sá ég að þetta var lamb, ég bað Önnu um að stoppa og fór út og þá stóð það bara kyrrt í vegarkantinum og beið eftir mér og þegar ég kom að því fór það að sjúga á mér puttana. Alger heimalingur sem sagt. Ég reyndi að gefa því gras en það leit ekki við því.

Þar sem við vorum á fína bílnum hennar mömmu þá kunni ég ekki við að setja lambið þar (það var frekar skítugt og illa lyktandi) svo mamma sendi Unni Önnu til okkar á druslubílnum hennar mömmu og við Unnur fórum með lambið upp á Brúsastaði þar sem það var frá, það var bara við veginn þar fyrir neðan. Lambið var þvílíkt stillt lagðist bara strax á gólfið…. Ronja gæti nú alveg pikkað upp eitthvað eftir lambinu ;-)

Ef ég hefði ekki verið á ferðinni þarna á þessum tíma þá er ég handviss um að ég hefði komið að lambinu dauðu út í vegarkanti seinna um daginn.

Svakalega góð mynd af mér, eða þannig ;-)