Mamma var svo góð að bjóða okkur Önnu frænku og Kalla út að borða á Caruso í vikunni. Þetta var í fyrsta skipti sem ég fór, mér fannst þetta fínt en féll ekki fyrir staðnum. Við fengum samt alveg svakalega gott hvítvín (Art Vitis, Riesling – Mosel).
Við fórum svo og fengum okkur öll bananaís í Erluís á eftir, en ekki hvað !
Ég uppfærði upp í Linda Rós 2.0 þegar ég fór að takast á við kvíðann og núna þegar bakið virðist vera komið í lag þá var kominn tími á að uppfæra í Linda Rós 3.0. Ég veit nú ekki hvort það munu verða fleiri uppfærslur, en maður á nú alltaf að reyna að bæta sig!
Þetta blogg er aðallega bara fyrir mig, mín dagbók. Mér finnst gott að tjá mig oft hér og einnig gott að geta flett aftur í tímann og sjá hvað gerðist hvenær. Ég er frekar gleymin.