Ég fór í afmæli til Unnar Önnu sem varð þrítug í dag en hún er úr sömu sveit og ég. Mér fannst mjög skrýtið að síðast þegar ég var með fjölskyldu hennar einhvern staðar þá var ég hluti af börnunum/unglingunum, en var núna orðinn partur af “fullorðna” fólkinu.
Ég uppfærði upp í Linda Rós 2.0 þegar ég fór að takast á við kvíðann og núna þegar bakið virðist vera komið í lag þá var kominn tími á að uppfæra í Linda Rós 3.0. Ég veit nú ekki hvort það munu verða fleiri uppfærslur, en maður á nú alltaf að reyna að bæta sig!
Þetta blogg er aðallega bara fyrir mig, mín dagbók. Mér finnst gott að tjá mig oft hér og einnig gott að geta flett aftur í tímann og sjá hvað gerðist hvenær. Ég er frekar gleymin.