Ég fékk í gærkvöldi hrottlegan vírus í tölvuna mína, fyrsta skipti sem ég fæ svona á mína eigin tölvu. Er með vírusvörn og einkar varkár ! Ég reyndi aðeins að hreinsa hann út en tölvan var komin í algert rugl svo ég ákvað að strauja hana bara. Svaka stuð… eða þannig ;-)
Ég uppfærði upp í Linda Rós 2.0 þegar ég fór að takast á við kvíðann og núna þegar bakið virðist vera komið í lag þá var kominn tími á að uppfæra í Linda Rós 3.0. Ég veit nú ekki hvort það munu verða fleiri uppfærslur, en maður á nú alltaf að reyna að bæta sig!
Þetta blogg er aðallega bara fyrir mig, mín dagbók. Mér finnst gott að tjá mig oft hér og einnig gott að geta flett aftur í tímann og sjá hvað gerðist hvenær. Ég er frekar gleymin.