:: VIRK ::
Ég fór í október 2010 og talaði við ráðgjafa hjá Virk – starfsendurhæfingasjóði og leist alveg svakalega vel á ráðgjafann. Mér fannst vera mikill baráttuhugur í henni og hún er bara alveg yndisleg og skilningsrík. Alveg pottþétt í rétta starfinu. Ég var hálf hrædd um að lenda á einhverjum sem væri ekki mjög áhugasamur um sína vinnu, eins og ég hef lent svo mikið í í heilbrigðisgeiranum.
Í kjölfarið fór hún að vinna í öllum mínum málum og í kjölfarið fór ég í endurhæfingamat hjá endurhæfingalækni, sjúkraþjálfara og sálfræðingi. Ég hafði eitthvað heyrt um VIRK áður en vissi ekki almennilega hvað þetta væri, hvað þá hvort ég ætti rétt á að fara þangað eða ætti erindi þangað. Ég hefði viljað fara þarna mörgum mánuðum fyrr!
:: Sjúkrasjóður VR ::
Ég bendi þeim sem eru í VR á sjúkrasjóð VR, þetta er frekar vel geymt leyndarmál. Ég rakst á þetta af tilviljun. Ég fékk 80% af laununum í 9 mánuði og sjúkradagpeninga frá TR á móti.
:: Styrkir VR ::
VR er með ýmsa styrki, maður safnar í varasjóð og starfsmenntunarsjóð.
Þegar ég byrjaði í World Class í haust þá fékk ég greitt úr varasjóðnum, þegar ég fór í laseraugnaðgerð árið 2008 þá fékk ég líka úr varasjóðnum.
Þegar ég fór á hvolpanámskeið árið 2008 þá fékk ég greitt úr starfsmenntunarsjóðnum (þetta er vel geymt leyndarmál, ég var bara svo heppin að vera á námskeiðinu með starfsmanni VR sem sagði okkur þetta).
—
Ykkur er velkomið að hafa samband við mig ef þið viljið spyrja mig um eitthvað.
Komdu sæl Linda Rós
heiðu nú man ég ekki hvernig ég rakst á síðuna þína en mikið er gaman að lesa hana jú að vísu þó að sumt á henni sé miður en eins og staðan er í dag hjá þér þá er mjög gaman að lesa hana hvernig þú hefur náð að standa þetta allt af þér vina mín .
Þú átt mikið já alveg rosalega mikið hrós skilið fyrir að koma svona heiðarlega og hreinskilningslega fram og leifa okkur hinum hér út í þessu þjóðfélagi að lesa og fá innsýn inn í líf þitt vinan.
Gangi þér vel og haltu áfram að berjast .
kveðja
Lóa Jónsd ( er alltaf kölluð það )