Linda Rós 3.0

“Það er ekki hegðun annarra sem raskar ró þinni heldur eigin viðbrögð við þeirri hegðun”

Margir líta niður á fólk með geðsjúkdóma, halda að þetta sé bara ímyndunarveiki og aumingjaskapur og ég geri mér fulla grein að margir sem lesa þetta gagnrýna þetta á slæman hátt. Ég get ekki sagt að ég sé ánægð með það að vita til þess og oft á tíðum hefur mig langað til að taka þetta niður. En svo margir hafa þakkað mér fyrir að vera svona opinská með þetta og hvað það hefur hjálpað þeim. Ég veit það eitt að það sem fékk mig til að leita mér hjálpar var að ég las á heimasíðu stelpu sem ég kannaðist við að hún þjáðist af geðsjúkdómum og ég bara vá kannski er ég ekki bara ímyndurnarveikur aumingji eftir allt og hún er eina ástæða þess að ég safnaði upp kjarki til að leita mér hjálpar. Svo þetta verður hérna áfram, því ef ég get hjálpað einni ráðvilltri manneskju þá er mér nokk sama um alla hina :c)

:: Kvíðaröskun::
Ég þjáist af sjúkdómi sem kallast kvíðaröskun. Ég hef þjáðst af honum svo lengi sem ég man eftir mér en það var ekki fyrr en í febrúar 2002 sem ég ákvað að leita mér hjálpar. Ég var ekki rétt greind samt fyrr en 2009, áður var talið að þetta væri félagsfælni og þunglyndi. En það eru eiginlega bara fylgifiskar kvíðaröskunar.

Ég vonast til að ná stjórn á heilanum einn góðan veðurdag. Sem ég hef aldrei haft eða eins og einn læknirinn minn sagði þá er heilinn bílstjóri rútunnar en ég er farþegi aftast í rútunni og fæ ekki að ráða neinu.

Ég virðist hafa samt komist ágætlega áfram í lífinu þó ég þjáist af þessum sjúkdómi og einn geðlæknanna sagði að það væri ótrúlegt að ég skuli hafa náð svona langt í námi með þennan sjúkdóm. Ætli það sé ekki bara þrjóskunni minni að þakka. Þetta hefur ekki verið auðveld ferð…. En jæja við skulum vona það besta… það geri ég allavega ;-)

Það er ekki eintómir gallar tengdir þessu, ég tel þetta hafa gert mig að betri manneskju. Ég er skipulögð, samviskusöm, tilitsöm, kurteis, hugsa mikið um aðra ofl ofl. sem ég tel hafa komið til af þessu.

:: Í hnotskurn::
Þá finnst mér/hefur mér fundist ég eiga að vera fullkomin; útlitslega, gáfnalega, persónuleikalega… á að kunna allt, geta allt, vita allt og alls ekki gera nein mistök…. ég býst ekki við fullkomnum frá neinum öðrum og dæmi sjálfa mig mikið harðar en nokkra aðra manneskju. Ég á mjög erfitt með að taka ákvarðanir og mjög erfitt með óvissur. Helst myndi ég vilja hafa dagatal og geta flett upp hvenær ég pissa 28. mars 2060 ;-) (kannski ekki alveg en næstum).

Þetta hefur háð mér mikið í lífinu, ég hef t.d aldrei farið í snúsnú og þið getið rétt ímyndað ykkur framhaldið. Ég hef s.s alltaf haft áhyggjur af hvað öðrum fyndist um mig og ekki viljað gera neitt sem ég kynni ekki fyrir framan aðra. Ég hef líka alltaf verið mjög meðvirk.

:: Geðdeild Landspítalans ::
Í janúar 2009 fór ég upp á geðdeild að ráði heimilislæknis og hef verið í sálfræðimeðferð þar hjá æðislegum sálfræðingi sem heitir Sólveig Erna Jónsdóttir, ég er svo líka hjá geðlækni sem heitir Óttar Guðmundsson.

:: Lyf ::
Ég hef verið á ýmsum lyfjum en hætt á þeim öllum á endanum því mér finnst þau ekki hafa nein áhrif nema þá í mjög takmarkaðan tíma (ég hef m.a verið á Cipramil, Cipralex, Zoloft, Seroxat, Wellbutrin Retard, Amilín, Efexor Depot)

:: Í dag (október 2009) ::
Í dag finn ég mikinn mun á mér, ég er búin að vera í hugrænni atferlismeðferð megnið af árinu og er núna að ljúka 8 vikna námskeiði upp á geðdeild sem heitir Hópmeðferð við kvíða – breytt hugarfar – að breyta og að sættast. Námskeiðið skiptist í tvennt, fyrstu 4 vikurnar er farið í svokallaða árvekni* (mindfulness) og hinar 4 í hugræna atferlismeðferð** (cognitive therapy). Mér fannst árveknin gífurlega gagnleg. Mæli eindregið með þessu námskeiði.

Ég er komin með meira sjálfstraust, ég er hætt að hafa jafn gífurlegar áhyggjur af hvað öðrum finnst (er alveg farin að lifa eftir “það er ekki hegðun annarra sem raskar ró þinni, heldur eigin viðbrögð við þeirri hegðun”. Með árvekninni og öndunaræfingum er heilinn á mér orðinn rólegri.

Ég held mér hafi bara aldrei liðið svona vel eins og síðustu ca 3 vikurnar, ég er samt engan vegin komin á leiðarenda, langt, langt, langt frá því og þetta verður náttúrulega eitthvað sem ég þarf að vinna í alla ævi en ég er allavega á góðri leið. En þetta er eins og sagt er um margt, 3 skref áfram og 2 aftur á bak.

Ég er líka farin að gera hluti sem ég hefði aldrei gert áður og er að reyna að lifa eftir “prufa allt einu sinni” og láta bara vaða. Ég tala þá um mig sem “nýja Lindan”.

Ég hvet alla sem hafa stungið hausnum ofan í jörðina og haldið honum þar að rífa sig upp og vinna í sínum málum, það er erfitt, en það mun ALLTAF borga sig.

:: Samband við mig::
Ef ykkur langar eitthvað til að tala við mig um þetta eða eitthvað annað þá getið þið t.d bætt mér við á msn (kisustelpa(att)gmail(punktur)com) eða á facebook ;-) Verið alveg ófeimin við það.

:: The Worry Cure ::
Ég er að lesa kafla úr bók sem heitir The Worry Cure, er ekki komin langt en í byrjun er m.a verið að finna út hvernig þú getur kennt manneskju að hafa áhyggjur.

The Seven Rules of Highly Worried People
1.If something bad could happen—if you can simply imagine it—then it’s your responsibility to worry about it.
2. Don’t accept any uncertainty—you need to know for sure.
3. Treat all of your negative thoughts as if they are really true.
4. Anything bad that could happen is a reflection of who you are as a person.
5. Failure is unacceptable.
6. Get rid of any negative feelings immediately.
7. Treat everything like an emergency.

Sjá kafla úr bók

Þetta á allt mjög vel við mig eiginlega, finnst þetta frábær bók til að lesa.

——————-

* Árvekni
Áttu erfitt með að slaka á? Ertu oft að hugsa um margt í einu? Ef þú vilt auka hæfni þína í að festa hugann við það sem þú ert að gera í hvert og eitt skipti er ,,mindfulness” eitthvað fyrir þig! Mindfulness eða vakandi nærvera er leið til að dvelja í núinu í vinsemd og sátt við sjálfan sig, finna og njóta. Mindfulness er hægt að þjálfa með meðvitaðri slökun þar sem við stöldrum við og skoðum hugsanir okkar, skynjun og líðan. Við forðumst að meta, greina, flokka og dæma. Við samþykkjum okkur sjálf. Mindfulness hefur reynst gefa ótrúlega góðan árangur til sjálfsþekkingar og vellíðunar. Rannsóknir sýna einnig að mindfulness getur aukið lífsgæði og lífshamingju, veitt betri heilsu og jafnvel lengra líf.

** Hugræn atferlismeðferð
Hugræn atferlismeðferð (HAM) byggir á að skilja hvernig hugsanir hafa áhrif á atburði í lífi okkar, þ.e hvernig við túlkum eða metum þessa atburði. Samkv. HAM er það ákveðið hugsanamynstur sem hefur áhrif á tilfinningar okkar og hegðun. Með því að skilja þetta samspil er betur hægt að leiðrétta hugsanir sem valda okkur vanlíðan og mynda nýtt hugsanamynstur sem hentar okkur betur. HAM er yfirleitt skammtímameðferð þó að lengri meðferð sé nauðsynleg fyrir langvinnari vandamál. HAM hefur reynst vel gegn ákveðnum vandamálum, t.d. þunglyndi og kvíða en er einmitt einnig hagnýt fyrir þau vandamál sem þú spyrð um