Linda Rós 3.0

Skv Wordpress Stats sem segist ekki telja mínar eigin heimsóknir á þessa síðu hafa verið 98 heimsóknir á hana ! 98 ! og klukkan er bara 15:08 !

Það hlýtur einhver að vera öflugur á refresh takkanum eða allar leitarvélar heims kíkt hérna inn því ég þekki ekki 98 manneskjur sem lesa bloggið mitt né trúi að svo margar manneskjur hafi áhuga á því ;-)

Update: Dagurinn endaði í 162 heimsóknum

Ég vona að þetta sumar verði gott veðurfarslega. Mig langar að gera helling. T.d
- Göngutúrar
- Útreiðatúrar
- Fjallgöngur
- Ferðast (hvort heldur sem er dagsferðir eða lengra, helst bæði!)
- River Rafting í austari Jökulsá
- Hellaskoðanir
- Dansa
- Hitta fólk
- Grilla
- Deita
- Synda/vaða í vatninu í Arnarfelli ef það verður nógu hlýtt úti
- Fara í sumarbústað
- Jeppaferð
- Snjósleðaferð / fjórhjólaferð eða eitthvað í þeim dúr
- Leikhús
- Söfn
- Sund
- Heita laug
- Gay Pride
- Leikhús
- Sjósund
- Keila

… og örugglega eitthvað fleira sem mér dettur ekki í hug núna… hverjir eru memm ?! Mig vantar klárlega mann / vini / öflugan vinahóp sem er til í allt og áreiðanlegir !

Ef þið hafið einhverjar hugmyndir um skemmtilega staði nálægt höfuðborginni þá vantar mig alltaf hugmyndir !

Ég er búin að uppfæra mig, er orðin Linda Rós 3.0 og annað eins eðal eintak hefur bara sjaldan sést !

Ég uppfærði upp í Linda Rós 2.0 þegar ég fór að takast á við kvíðann og núna þegar bakið virðist vera komið í lag þá var kominn tími á að uppfæra í Linda Rós 3.0. Ég veit nú ekki hvort það munu verða fleiri uppfærslur, en maður á nú alltaf að reyna að bæta sig !

Í gær fór ég aðeins út á flakk, í fyrsta skipti held ég bara á árinu ! Kalli var í vaktafríi og kom og sótti mig um 10 leytið og við skelltum okkur á bókamarkaðinn þar sem ég keypti bara 4 bækur ! Kraftaverk gerast, ég þarf alltaf að passa mig gífurlega í kringum bækur, einu skiptin sem mér finnst gaman að kaupa eitthvað ! Við fengum okkur svo súpu og brauð í Perlunni sem var fínt, löbbuðum upp og úff hvað lappirnar á mér voru ekki að samþykkja þetta, ansi mikið af lélegum vöðvum eftir allt þetta aðgerðaleysi ! Við kíktum svo í Elko, Intersport og Smáralindina

Ég keypti Gerðu besta vin þinn betri, það má reyna að ala Ronju betur upp ! Athyglisbresturinn og ofvirknin gera það samt erfitt ! og keypti Einhvers konar ég eftir Þráinn Bertelsson (en hann bjó í nokkur ár í sveitinni minni þegar hann var lítill, þetta er s.s ævisagan hans) og svo 2 Anne Hooper bækur.

Annars er greinilegt að ég er búin að vera að vinna mikið í mínum málum undanfarið ár, ég var alveg föst í handbókadeildinni á Bókamarkaðinum og það voru nokkrar kennslubækur sem ég hugsaði að kaupa. M.a Til fyrirmyndar – Heildstæður stuðningur við jákvæða hegðun og Lifsmennt – Viðfangsefni í lífsgildum fyrir 3-7 ára. Var líka að spá í bókum eins og Þú ert þinnar gæfusmiður og Mannlaus veröld. En svo ákvað ég eiginlega bara að forða mér áður en ég myndi kaupa hálfa deildina !

Er að velta fyrir mér að hætta þessu bloggi, allt merkilegt fer eiginlega á facebook, sem statusar, linkar eða myndir. Tek stundum skorpur og hendi hérna inn mörgum færslum í einu þegar ég nenni…

Helgin mín var bara nokkuð góð, á föstudagskvöldið og laugardagskvöldið borðaði ég ostaköku og horfði á videó með Sigurgeiri besta vini mínum.

Á laugardeginum kom Bjössi vinur minn með bakkelsi og fiskirétt handa mér, við byrjuðum á að éta bakkelsið, fórum svo í göngutúr, komum inn og horfðum á einn Firefly þátt. Borðuðum svo fiskréttinn og hann ryksugaði svo allt og baðaði Ronju ! Eðal heimsókn ! Enda hefur ekki verið ryksugað út í horn og undir hluti mjög mjög lengi ! En með batnandi baki verður þrifnaðurinn hérna meiri ! Ekki það að þetta hafi verið sérlega slæmt, ég er mjög þrifin og snyrtileg. En þegar maður er með hund, sérstaklega hund sem fer úr hárum þá vilja hundahár safnast saman um allt !

Ronja slapp svo út á laugardaginn, ekki með ólina eftir baðið svo hún var ekki merkt. Fyrsta skipti sem hún sleppur út í borginni og ég fékk þetta væga sjokk, var farin að fara í gegnum símaskránna mína um hverja ég gæti hringt í til að reyna að finna hana. En sem betur fer sá ég hana fljótt og Sigurgeir var svo góður að ná henni, enda er hún voða skotin í honum. Ég hljóp út í mjög þunnum buxum og bol og Sigurgeir var svo mikill herramaður að lána mér jakkann sinn ! Ég hélt að svona herramenn væru ekki lengur til !

Ég komst út úr húsi á föstudaginn, Kjartan vinur minn kom og sótti mig og við fórum og fengum okkur pizzu á Eldsmiðjunni, það var meira að segja afgangur af mínum helmingi sem fékk að koma með heim í kassa og var étinn í gær :-)

Horfðum svo á videó, fyrst á Star Trek: First Contact og byrjuðum svo að horfa á Robin Hood: Men in Tights en hún var á videóspólu og við gátum ekki spilað meira en ca korter af myndinni *hágrát*. Fórum þá að horfa á James Bond: Goldfinger. Vinur minn sofnaði yfir henni og hraut hástöfum, Ronja greyið vaknaði, reisti sig mygluð upp og horfði á orsök óhljóðanna með undrunarsvip !

Rosalega var gott að komast út úr húsi. Fólk sem kemur i heimsókn með mat, býður mér út úr húsi eða býður mér í mat er alveg pottþétt á vinsældalistanum þessa dagana. Liðu 8 dagar um daginn þar sem ég hitti engan !

Janúar var einstaklega viðburðalítill mánuður, er innilega þakklát fyrir Ronju mína, vídeóefni, bækur (er loksins aðeins komin í bókagírinn aftur) Facebook og MSN en þetta allt hefur algerlega bjargað mér frá að missa vitið. Sérstaklega hjálpaði nýr MSN vinur mér gífurlega í byrjun mánaðarins eftir að ég fékk erfiðu fréttirnar. Ég held ég hafi ekki upplifað svona leiðinlegan mánuð áður og alls ekki svona verkjamikinn mánuð. Líða oft margir dagar á milli þess að ég hitti fólk, það er komin vika núna en þá fór mamma til útlanda. Ég er nokkuð viss um að það sé met. Fannst dálítið erfitt fyrst að vera svona mikið ein en það venst, er alveg sátt núna.

Ferðafélag Íslands er með hóp sem heitir “Eitt fjall á viku“, rosalega langar mig ! Vonandi verður þetta aftur á næsta ári, þegar! bakið á mér verður komið í lag !

Ég var í hálfgerðu svona í sumar, var með þriðjudagsgöngufélaga í nokkrar vikur sem var æði (bæði að hafa reglulegan göngufélaga og göngufélaginn sjálfur).

—————————-
Eitt fjall á viku – upplýsingar

* Kr. 1000 á fjall, alls kr. 52.000 sem ganga þarf frá í upphafi verkefnis
* Skipta má greiðslum niður í allt að fjórar greiðslur.
* Í öllum ferðum er farið á einkabílum. Þátttakendur taka þátt í sameiginum ferðakostnaði
* Hægt að fá styrki frá vinnuveitanda/stéttarfélögum til þátttöku í verkefninu.

Ég er með jólaseríu í glugganum sem er að reyna að segja mér að jólin séu búin, allavega er hún að flökta á fullu, afskiptasemin í þessu jólaskrauti !

Update: Tókst að skipta um perur og hún er til friðs núna !