Linda Rós 3.0

Bíóhús: Sambíóin Álfabakka
Bíófélagi: Haukur

Ég er ekki að skilja hype-ið í kringum þessa mynd. Fín afþreying en alls engin snilld, hugmyndin er snilld en útfærslan ekki.

Bíóhús: Laugarásbíó
Bíófélagi: Berglind

Þessi mynd fær alveg hrikalega dóma og ég bjóst ekki við miklu en þetta er hin fínasta mynd. Mikið betri en Knight and Day og ég sá ekkert eftir 600 kr.

Bíóhús: Smárabió
Bíófélagi: Berglind

Ég vann (já ótrúlegt en satt!) miða fyrir 2 á forsýningu Knight and Day í Smárabíó, sýningin var í gærkvöldi klukkan 22:30.

Það var sagt að nöfn vinningshafa yrðu á gestalista í miðasölu, en þegar ég kom í miðasöluna var mér sagt að þetta væri við innganginn uppi. Sem betur fer var ég mætt tímanlega (að vanda) og lenti ekki í neinni röð. Hefði orðið frekar pirruð ef ég hefði eytt svaka tíma í röð, sem myndaðist einmitt stuttu eftir að ég mætti. Gott að vera tímanlega ! :-)

Við fórum svo upp og þá kom í ljós að þetta var í sal 4, ég var nú frekar hissa á því. Forsýning á mynd, í sal 4. Svo var salurinn bara svona hálfur.

Ég var að drepast í maganum en lét mig nú samt hafa það að fara því að a) ég vann loksins eitthvað ! b) ókeypis í bíó! maður lætur það nú ekki framhjá sér fara! c) vildi ekki baila á Berglindi d) ég hefði verið að drepast í maganum heima líka og þó það sé nú kannski þægilegra að kúra heima þá ákvað Linda Rós 3.0 að það væri ekki leyfilegt að þessu sinni.

Myndin var ekkert spes, ágætis afþreying en ég hefði séð eftir að hafa farið á hana ef ég hefði þurft að borga fyrir það. Þessi mynd er ekki einu sinni 600 kr virði á krepputilboðsdögum.

Bíóhús: Laugarásbíó
Bíófélagi: Berglind

Brilliant mynd, mæli tvímælalaust með henni. Hló og hló.

Bíóhús: Laugarásbíó
Bíófélagi: Berglind

Ég fór á þessa mynd og bjóst ekki við neinu, enda eru margar svona dansmyndir alveg hræðilegar. Ég skil ekki af hverju það er svona erfitt að gera fleiri góðar myndir eins og Dirty Dancing og Grease ! En þessi mynd var bara fín, ég hafði gaman af henni. Mjög sæt aðal stelpan og nokkrir mjög flottir karlmenn sem voru alveg ágætlega mikið berir að ofan ;-) Ég meira að segja stóð mig að því að langa að sjá framhaldið !

Ég las mjög góða athugasemd á imdb, fyrirsögnin var: A good example of dance movies, which are not real movies. Það er mikið til í þessu.

Bíóhús: Laugarásbíó
Bíófélagi: Róbert

Ég sá Iron Man 1 bara um daginn og fannst hún góð, sá þessa svo í kvöld og mér fannst hún betri, hafði allavega mjög gaman af henni. Ég skil ekki af hverju ég á ekki Iron Man búning !

Bíóhús: Laugarásbíó
Bíófélagi: Róbert

Ég fór á She’s Out of My League. Hún var fin, gaman að henni, samt ekki mynd sem ég hefði borgað mig inn á, eðal að eiga vin sem á árskort í bió sem gildir fyrir tvo.

Bíóhús: Álfabakki – lúxussalur
Bíófélagi: Róbert

Róbert vinur minn var svo indæll að bjóða mér í bíó á afmælisdaginn minn. Ég var nú efins með þessa mynd en hún var bara þrælgóð og skemmtilega öðruvísi, pínku disturbing samt,

Bíóhús: Kringlubíó
Bíófélagi: Róbert

Ég fór í bíó á Alice in Wonderland með Róberti vini mínum í dag, hún var fín, hefði samt getað verið flottari.

Bíóhús: Regnboginn
Bíófélagi: Ella Bára og Óli

Ég fór á þessa mynd með Ellu Báru frænku og Óla litla frænda. Hún var mjög góð en kom mér á óvart hvað mikið í henni var úr Planet Earth þáttunum, hélt þetta væri allt nýtt efni. Regnboginn var engan veginn að rokka, dauðir punktar á skjánum, rosalegur viftuhávaði og textinn á myndinni var allur í rugli.