Ég fékk ekta myndarlegan herramann í heimsókn um daginn. Það fór allt á flot inni á baðherbergi og hann bauðst til að koma og finna út úr þessu fyrir mig. Herramennskan er ekki dauð enn! Eftir að hann lagaði vandann þá horfðum við á Reykjavík Rotterdam sem er besta íslenska myndin sem ég hef séð. Auðvitað eru Sódóma og Veggfóður alveg æðislegar myndir en ekki beint gæðamyndir eins og Reykjavík Rotterdam. Annars er ég vanalega ekkert sérlega opin fyrir íslenskum myndum, finnst þær margar alveg hrikalegar, sumar fínar þó. Ég myndi frekar gefa þeim séns ef það væri ekki mikið dýrari inn á þær og vanalega ekki þriðjudagstilboð á þeim. En allavega. Gaurinn sagði mér svo eftir myndina að bandaríska útgáfan væri komin í bíóhús og við skelltum okkur á hana áðan. Hún var góð, mér hefði samt eflaust ekki fundist hún svona góð nema ef því að mér finnst Reykjavík Rotterdam svona góð. Myndin er ekki alveg eins, margt mjög öðruvísi en mér fannst allt ganga upp nema mér fannst Sebastian ekki jafn góður karakter og Steingrímur, né Kate jafn góður karakter og Íris. Mér fannst mjög gaman að sjá Ólaf Darra í myndinni. En já Reykjavík Rotterdam er samt milljón sinnum betri.