Bíóhús: Háskólabíó
Bíófélagi: Guðrúnu frænka, Ella Bára, Heiðar og vinkona Guðrúnar frænku.
Mér fannst hún aðeins síðri en hinar en engu að síður góð. Fannst samt að endirin hefði mátt vera væmnari ;-)
Við fórum á þessa í Háskólabíói og úff hvað mig langar ekkert aftur í þetta bíó. Í fyrsta lagi var rosalega heitt í salnum, í öðru lagi var allt út í drasli, í þriðja lagi byrjaði sýningin 20 mínútur eftir auglýstan tíma, í fjórða lagi gleymdist að slökkva öll ljósin, í fimmta lagi gleymdist að setja á texta og í sjötta lagi var ekki byrjað aftur á byrjun þegar textinn var settur á. Þetta síðasta truflaði mig mest. Mér finnst núna ekki skrýtið að alltaf þegar verið að tala um að fara í bíó að enginn vill fara í Háskólabíó. Enda hef ég bara farið þangað tvisvar sinnum síðustu árin og langar bara hreint ekki aftur. Mér finnst sætin heldur ekkert spes og svo eru 2 græn útgönguskilti sem fara rosalega í taugarnar á mér og svo er klukka við hliðina á tjaldinu (salur 4)! Vanalega hef ég ekkert út á bíóferðir að setja, tja nema að auglýsingarnar og biðin fara stundum í taugarnar á mér, en ekkert á við þessa reynslu ! Það hefði líka munað öllu ef það hefði komið inn starfsmaður í hléi og beðist afsökunar á þessu eða manni bætt þetta upp.
Bíóhús: Smárabíó
Bíófélagi: Snjólaug
Ég fór loksins á Avatar í gær, hafði ætlað síðan löngu áður en hún var frumsýnd en var ekki búin að þora að fara út af bakinu á mér, í síðustu viku sá ég svo að myndin yrði í Lúxussal og hoppaði hæð mína í loft upp af gleði og keypti 2 miða, 2 dögum seinna, ca 2 klst fyrir sýningu komst ég að því að þetta voru mistök og þetta væri bara 2D sýning, svo ég hringdi og fékk endurgreitt. Ákvað svo að fara í gær, setti á mig bakbelti, fór með 2 púða, tók verkjalyf og hafði með mér, fór í íþróttabuxum og ecco sandölunum mínum = einstaklega sexy. Snjólaug vinkona var svo góð að fara með mér og sótti mig og keyrði mig heim. Ég ætlaði varla að geta staðið upp eftir sýninguna og er aldeilis að kenna á því í dag að hafa farið en það var fullkomlega þess virði !
Avatar er ÆÐI ! Hún er pottþétt komin á topplistann yfir uppáhaldsmyndirnar mínar ! Fyrir minn smekk þó hefði alveg mátt sleppa öllu vondrakalladótaríinu og hafa þetta bara ástargamanmynd ! :-)
Annars held ég að ég muni aldrei finna mér mann, ég vil bara bláan, 3m háan með hala !
Mamma var svo góð að bjóða mér út að borða á Krua Thai og í bíó, við hittum svo Guðrúnu, Ellu Báru og Heiðar í bíóinu. Fórum í Háskólabíó, sal 4 og ég var nú ekki hrifin, pínku lítill og með 2 útgönguskilti sem loguðu þvílíkt bjart. Keyptum miðana og svo var enginn sem tók við þeim, spurning hvort þetta hafi verið tilfallandi eða hvort það sé bara ekkert fylgst með þessu þarna. Á Krua Thai vorum við í nýbúin að panta þegar ég snéri mér við og horfði á fyrrveranda kærasta minn sem var einmitt þarna líka með mömmu sinni ! Lítill heimur en þau voru að taka með sér heim svo við borðuðum nú ekki saman.
Mér fannst þessi mynd ekkert síðri en fyrri. Gaman að sjá svona öðruvísi myndir og mér finnst Lisbeth Salander ennþá æðislegur karakter :-) Bíð spennt eftir næstu mynd. Svo ætla ég líka að lesa bækurnar þegar ég er aðeins farin að gleyma myndunum (s.s fyrir jól líklega hehe).
Mömmu fannst myndin samt hálf erfið og ég held ég fari frekar með hana næst á Disney mynd heldur en næstu Lisbeth Salander mynd ;-)
Ég fór á þessa mynd með Kalla áðan og ég gjörsamlega grét af hlátri, fyndnasta mynd sem ég hef séð lengi !
Ég fór á þessa mynd í kvöld með Guðrúnu, Ellu Báru og Heiðari, mér fannst hún alveg rosaleg góð og finnst Lisbeth Salander æðislegur karakter !
Við Inga fórum í Kringluna að finna föt á mig sem gekk alveg ágætlega og enduðum svo daginn með að fara á Up! í 3D og með ensku tali. Myndin var allt öðruvísi en ég bjóst við, var eiginlega meira svona dramaástarsaga en fyndin barnamynd. En hún var æðisleg og ég mæli pottþétt með henni. Fannst skondið að við hliðina á okkur sátu 3 rosa gæjar, konu- og barnlausir á sýningunni allavega ;-)
Fötin sem við fundum var langerma kjóll og kápa í Oasis, keypti reyndar hvorugt í ferðinni en það verður eflaust gert á næstu dögum, þarf t.d að velja lit á kápuna, til grá og svört.
Ég fór með Hlyni á G.I Joe: The Rise of Cobra í gær. Ég hafði mjög gaman af myndinni, nógu mikið að gerast til að manni leiddist ekki, ég held annars að ég hafi hlegið samt meira á myndinni en framleiðendurinr höfðu í huga. Hún er rosalega vitlaus og hallærisleg á köflum ;-)
Við Kalli “bróðir” fórum saman í bíó áðan á Brüno, ég var alls ekki sannfærð með myndina, ekki sérlegur aðdáandi Ali G né Borat. En mér fannst hún þrælfín, hló næstum alla myndina. Við fórum fyrst og fengum okkur að borða á Eldsmiðjunni og eftir myndina fórum við og fengum okkur ís. Eðal kvöld :-)
Í dag fór ég svo aftur með fjölskyldunni (ég, Róbert og Alexander) á Ice Age 3 – 3D. Í fyrsta skipti sem ég fer á 3D sýningu, fannst það alger snilld. Fórum svo á Rizzo á eftir og fengum okkur Toscana pizzu, namminamm.
Í gær fórum við fjölskyldan (ég, mamma, Anna, Kalli og Benni) á My Sister’s Keeper í boði Skjásins. Mér fannst myndin mjög fín, bókin er ein besta og eftirminnilegasta bók sem ég hef lesið, mæli pottþétt með að fólk lesi hana. Við fórum út að borða á Friday’s á undan, þar sem ég fékk mér til tilbreytingar Chicken Fingers.
