Þegar við vorum að fara þá komu að útlendingar sem spurðu hvort þetta væri The Reykjavik Zoo og miðasölustúlkan sagði já. Grey útlendingarnir ef þeir eru að búast við einhverju.

Börkur var svaka feginn að hitta Birtu sína, fór að vernda hana fyrir Roy og fór að sleikja hana í bak og fyrir. Mamma sagði að það hefði verið mjög sætt að sjá það.

Ég er enn að íhuga að halda einum, þá annað hvort þeim fyrsta sem er læða eða þeim næsta sem er fress…

En þetta eru heilmiklar vangaveltur, t.d hvað á ég að gera þegar ég fer til Flórída í 3 vikur í haust, ég er ekki einu sinni komin með pössun fyrir Ronju, það yrði pottþétt erfiðara að fá pössun fyrir kettling… Svo er alveg pottþétt að annað hvort á maður fín húsgögn eða kött, það er svakalega erfitt að vera á eftir kettlingunum allan daginn að skamma þá fyrir að klóra húsgögnin ! ;-)

Ef þið vitið um einhvern sem langar að bæta kettlingi við heimilið þá endilega látið mig vita !

Ég er búin að fá nokkra í heimsókn að skoða kisurnar (Óli og Guðrún Helga (sem komu með gjöf handa þeim, sem þeir eru ofsa kátir með) – Sóley, Sigurey og Alexandra – Ella Bára – mamma og Rúnar – Eva, Hafdís og Hafþór – Hafdís. Elfur og Hafþór). Í dag var ég með 2 stelpur hérna, önnur var örugglega í 4 tíma og hin í 3. Svo kom bróðir annarrar og var hérna í kannski hálftíma. Ég er orðin vinsæl í hverfinu.

Það er alveg æði að hafa kettlinga, þeir eru svo mismunandi karakterar. Allir mjög duglegir við að nota kattasandinn sem ég er mjög ánægð með. Ég reyni að taka þá alla eitthvað yfir daginn og læt þá leika sér og sofa hjá mér, þeir eru misjafnir í því. Garpur er rólegastur og hefur mest sofið hjá mér.

Ég hef skoðað mikið af myndum á netinu (hvað gerði maður fyrir tíma google, ég er að googla allt í sambandi við kettlinga) og gestir verið duglegir að skoða afturendann á kisunum og ég er komin með niðurstöðu á kynjahlutfallinu… þetta eru allt stelpur ! eða allt strákar ! eða blanda af strákum og stelpum !

Þeir eru kassavanir og vanir hundi sem er mikið í kringum þá. Pabbi þeirra er 1/4 skógarköttur. Ég hef því miður enga hugmynd um kyn á þeim, ég þarf að finna einhvern til að athuga það.

Mig langar svo innilega ekki að auglýsa þá á barnalandi, vil að þeir fari á góð heimili og væri æði ef ég gæti fengið fréttir af þeim og séð myndir og svona. Svo það væri vel metið ef þið mynduð láta fólk sem þið þekkið sem eru í kisuleit vita.

Ef einhver veit um heimili sem vantar kettling þá endilega tala við mig ! :-) Þeir verða kassavanir og vanir tíkinni minni !

En greyið er búin að vera veik. Þegar ég kom heim í gær þá var hún búin að skíta í búrið sitt, eitthvað sem hún hefur ekki gert áður, hún hefur ekki einu sinni migið í búrin sín. Ég var með nokkrar flíkur ofan á búrinu og henni hafði tekist að ná þeim niður í gegnum rimlana og þau voru öll út í skít og hún er með kodda í búrinu og koddaver og hún var búin að taka koddaverið af koddanum. Lá svo bara skjálfandi í horninu, það mátti ekki taka hana upp á maganum, þá vældi hún. Ég fór í að þrífa þetta (og kúgaðist þvílíkt) og hana og hringdi í dýralækninn sem sagði mér að gefa henni fiskibollur eða soðin hrísgrjón. Ég gerði það og hún var fín í gærkvöldi, við fórum meira að segja í göngutúr. En svo í morgun vakti hún mig snemma og fór út og skeit, það var frekar lint en ég hélt hún væri komin í lag. En síðan þá er hún búin að fara hátt í 10 sinnum út og er bara með niðurgang og smá blóð í honum líka. Hún kúgaðist líka áðan og það voru svaka óhljóð í maganum á henni en hún ældi ekki. Ég hringdi aftur í dýralækninn sem gaf mér lyf fyrir hana, Prolac Paste (þykkni til styrktar þarmaflóru dýra, 2.85 milljarðar lifandi bakteríur) og ég á að gefa henni það á 2 tíma fresti í dag og svona ca 3 á morgun. Á að skammta henni mat og vatni í dag. Það er ekki gaman að eyða afmælinu sínu í þetta !

Update: Á laugardeginum voru hægðirnar svo svakalega blóðugar að ég hringdi í dýralækninn sem ákvað að gefa henni sýklalyf og ég fór og sótti þau, á sunnudeginum var hún orðin nokkuð hress. Hún meig samt inni á mánudagsmorgninum, hún biður alltaf um að fara út en hefur greinilega ekki náð því núna.