Linda Rós 3.0

Ég þarf að græja mig upp fyrir sumarið, þyrfti að finna vana útivistarmanneskju til að fara með mér í búðir.

Mig vantar:
Gönguskó
Göngubuxur
Gönguföt (boli, jakka ofl)
Ferðakíki

Mig langar rosalega í:
GPS tæki (eða skrefmæli til að byrja með, gaman að vita hvað maður er að labba langt og hvað lengi)

Búrfellsgjá
11. mars 2010
Göngufélagi: Ívar og Ronja

Mjög falleg og skemmtileg leið og lítið af fólki (fyrir utan risa stóran hóp sem átti leið þarna um). Ég hafði smá áhyggjur af að þetta yrði álag fyrir bakið en það var alveg í lagi, aftur á móti var löppin að trufla mig talsvert, enn smá doði í henni en það hefur ekki verið að trufla mig lengi enda ekkert verið að ganga á ósléttu. Þarf líka að græja betri skó held ég.

En það var yndislegt að komast loksins í alvöru göngu, í góðu veðri og góðum félagsskap :-)

Ég fór í göngutúr í Laugardalnum í gærkvöldi, engin myndavél með í för enda orðið dimmt. Þetta var líka göngu”deit” með gaur sem ég hafði aldrei hitt, ég sagði nú við hann þegar við hittumst að það væri hálf creepy að bjóða stelpu á fyrsta deit að kvöldlagi í Laugardalnum !

Ég hef aldrei labbað þarna um áður og það eru mörg mörg ár síðan ég hef farið í Húsdýragarðinn og Grasagarðinn, hvað þá í Skautahöllina en ég hef bara einu sinni farið á skauta. Þarf að bæta úr því öllu !

Ronja var alveg voða hress og kát, hundarítalínið sem ég byrjaði að gefa henni fyrir 2 dögum eru greinilega ekki farin að virka, mætti 2 gaurum sem sögðu “vá sérðu hundinn, hann labbar á afturfótunum” og svo seinna mætti ég þeim aftur og þá heyrðist “sjáðu, þetta er hundurinn sem labbar á afturfótunum”. Þótti greinilega mjög spes ;-) Mættum líka 3 stelpum og ein spurði hvort hún mætti klappa Ronju og á endanum var hún bara lögst á gangstéttina með Ronju ofan á sér, alveg að fíla sig í tætlur.

Ég stoppaði svo á McDonalds á leiðinni heim og lenti í mestu bílabiðröð allra tíma en ég lét mig nú hafa það, kveðja McDonalds sem hefur verið tryggur vinur minn síðustu 2 mánuðina eða svo ;-)

Ég fór í göngutúr í Öskjuhlíðina í dag, að skoða stríðsminjarnar sem ég hreinlega vissi ekki að væru þar, gleymdi náttúrulega að taka með mér myndavélina! Hlynur var alveg að fíla sig í kennarahlutverkinu, mér leið á tíma eins og ég væri komin í grunnskóla aftur, bara gaman af því ;-)

Í borgarlandinu hafa stríðsminjar helst varðveist í Öskjuhlíð og á Reykjavíkurflugvelli sem nær yfir Vatns- og Seljamýri. Af varnarviðbúnaðinum á Öskjuhlíðinni eru meðal annars steypt skotbyrgi, stjórnbyrgi, víggrafir úr torfi og grjóti, loftvarnarbyrgi, varnarveggir fyrir eldsneytistanka, neðanjarðarvatnstankar, bryggjustubbur, veganet, fjöldi gólfa og grunna undan bröggum og öðrum byggingum og akstursbrautir fyrir flugvélar.

Gjábakkahellir
9. ágúst 2009
Göngufélagi: Hlynur
Um: Frekar léttur og stuttur hellir, held við höfum verið um hálftíma kannski að fara í gegnum hann.

Raufarhólshellir
6. ágúst 2009
Göngufélagi: Hlynur
Um: Tekur um 2 klst að fara alla leið inn og út aftur. Mér fannst gangan ekkert erfið, maður er samt að klöngrast í steinum allan tímann. Innst inni í hellinum er gestabók. Það var rosalegur raki þarna inni, eins og það væri úði. Enda varla þurr spjör á manni þegar maður kom út. Svo við fórum í sund á Selfossi (fór í rennibrautina, gufuna og pottana, held þetta sé í fyrsta skipti sem ég fer í sundlaug án þess að fara í aðallaugina og synda nokkrar ferðir) og skipt um öll föt eftir það. Mæli pottþétt með þessum helli (nauðsynlegt að hafa höfuðljós og gott að hafa vettlinga).

Við Anna frænka fórum í hláturjóga í Viðey í gær, það var mjög fínt. Örugglega mjög skemmtilegt að stunda þetta, að læra að losa allar hömlur og vera bara eins og fífl :-)

Þriðjudagsganga í Viðey 21. júlí 2009
Ásta Valdimarsdóttir hláturjógakennari

Leiðsögnin og námskeiðið eru ókeypis og öllum heimil og fá allir þátttakendur gefinn Kristal frá Ölgerðinni.

Ég ætla svo að fara aftur í Viðey í sumar og labba alla eyjuna :-)

Esjan
20. júlí 2009
Göngufélagi: Ronja og Berglind
Um: Tiltölulega auðveld ganga upp að steini, frekar erfið eftir það

Ármannsfell
5. júlí 2009
Göngufélagi: Ronja
Um: Þetta er ekki mjög erfið ganga og mjög skemmtileg, frábært útsýni.

Síðan ég var bara krakki hefur mig langað til að ganga upp á Ármannsfell en aldrei látið verða af því. Alltaf haldið að þetta væri of erfitt, að ég myndi ekkert komast þarna og alltaf verið vandamál að fá einhvern með og svo framvegis.

Nýja Lindan hætti þessu bara og gekk upp á fjallið ein í gær (eða tja með Ronju). Fór upp mjög greiðfæra og skemmtilega leið en vildi finna aðra niður og lenti í smá vanda, valdi mjög svo ógreiðfæra leið og var ansi hrædd um útlimi á tímabili en það gerir gönguna bara eftirminnanlegri.

Annars held ég að í svona fjallgöngum sé nú sniðugra að hafa einhvern með sér en betra að fara einn en ekki !

Ármannsfell:

Arnarfell
24. júní 2009
Göngufélagi: Ronja og Snjólaug
Um: Tiltölulega auðveld ganga og einn fallegasti staður landsins