Linda Rós 3.0 » Matur

Mataræðið

Linda Rós — Sun, 20 Jun 2010 12:13:50 +0000

Mataræði mitt hefur ekki verið öflugt síðustu daga. Ég er búin að vera með svo mikinn kvíðahnút í um 2 vikur og búin að vera í smá lægð en held ég sé nú að komast úr henni. En þegar ég verð svona þá hef ég enga lyst á mat og það fer ekki einu sinni sérstaklega í taugarnar á mér að vera svöng. Ég er flesta daga að borða 2 boozt og kannski smá kex. Mig langar bara ekki í neitt, sérstaklega ekki að hafa fyrir neinu eins og að elda eða fara út að kaupa eitthvað tilbúið svo ég enda eiginlega á að borða alltof alltof lítið. Svo er maginn alltaf í ruglinu þegar svona stendur á svo að ef ég borða eitthvað þá nýt ég þess eiginlega ekki og enda oftast á að fá bara í magann.

En booztið mitt er allavega hollt: Jarðarberja AB mjólk, Bláberjaskyr, Skyr, frosin mangó, frosin bláber, frosin jarðarber, 2 bananar og 60gr hveitikím (sem samsvarar um 500 gr af grænmeti). Þetta er um 1 lítri, drekk hálfan og hálfan.

Matarboð

Linda Rós — Wed, 26 May 2010 23:24:15 +0000

Ég fór í matarboð heim til Sigurgeirs vinar míns. Við ætluðum upphaflega að gera eitthvað saman á afmælinu mínu en hann var upptekinn í próflestri svo það datt upp fyrir svo hann bauð mér í mat í kvöld. Fjölskylda hans var öll að heiman.

Ég fékk eðal mat og eðal gjafir, fyrir utan náttúrulega eðal félagsskapinn !

Boozt

Linda Rós — Mon, 24 May 2010 19:44:56 +0000

Vinur minn er búinn að gera mig háða boozti, mig langar frekar í það en ís t.d ! Ég var búin að gera nokkrar tilraunir til að búa mér þetta til sjálf en var ekkert sérlega sannfærð. En málið er að hafa bláberjaskyr og frosin bláber ! Ef maður hefur bara jarðarber og banana og svoleiðis þá verður þetta svo væmið. Svo set ég helling af hveitikími* í smá part af booztinu og borða það með skeið. Mér finnst hveitikím ekkert æðislegt á bragðið en bláberin fela þetta alveg !

Svo málið er: bláberjaskyr, (vanilluskyr,) banani, frosin bláber og klaki !

—-
Hveitikím er svo ríkt af næringarefnum, vítamínum, járni og trefjum að hægt er að leggja að jöfnu u.þ.b. 30 g af hveitikími og 250 g af grænmeti

Leikhúsferð#1 Hellisbúinn

Linda Rós — Fri, 16 Apr 2010 23:50:54 +0000

Leikhús: Íslenska óperan
Leikhúsfélagi: Róbert

Ég fór á Hellisbúann áðan, ætlaði upphaflega með vinkonu minni en hún komst svo ekki svo ég bauð Róberti vini mínum með sem bauð mér í staðinn út að borða á Rauðará. 2fyrir1.is var svo góður að gefa okkur 2 fyrir 1 tilboð á 3 rétta máltíð þarna. Alger snilld að finna svona, sérstaklega sem virkar á föstudegi. Maturinn var líka mjög góður.

Steiktir humarhalar með sætkartöflu mauki – ilmandi af hvítlauk
~o~
Steikt lambafillet með tómat, döðlum, grænum ertum og rósmarín
~o~
Heit súkkulaðikaka með þeyttum rjóma og vanillusósu

Matarræði

Linda Rós — Wed, 03 Mar 2010 11:44:08 +0000

Ég hef nú aldrei verið sérlega skynsöm í matarræði, oft lifað á brauði og morgunkorni. Sérstaklega eftir að ég hætti í sambandi með gaur sem er snillingur í eldhúsinu og sá um megnið af eldamennskunni. En ég er alveg að slá öll met núna, ég er bara alltaf lystarlaus, langar ekki í neitt, oft óglatt og er bara að borða alltof alltof lítið. Þegar ég steig á vigtina um daginn, sýndi hún 51,4 kg. Ég held ég hafi ekki verið svona létt síðan í menntaskóla ! Skv BMI er allt undir 54 kg vannæring, ekki það að ég líti á BMI sem einhvern sannleika, en ágætis viðmiðun. Ég fór og keypti mér Build up pakka um daginn, hef gert það stundum í gegnum tiðina þegar ég fer á svona skeið. En ég er með eitthvað jafnvægisskyn sem veldur þessari ógleði, verð líka bílveik, flugveik, sjóveik ofl. Segi oft að ég verð dagsdaglega veik ;-)

Ef einhver veit um karlkyns einhleypan næringafræðing… eða karlkyns einhleypan snilling í eldhúsinu þá endilega beinið þeim til mín ;-)

Fiskur

Linda Rós — Wed, 03 Mar 2010 11:39:00 +0000

Ég er alveg hætt að borða ýsu, nema ef mér er boðið upp á hana þá borða ég hana náttúrulega. En ég er búin að uppgötva töfraheima fisktegunda og núna er ég voðalega hrifin af keilu og löngu. Mamma var svo góð að bjóða okkur Rúnari út að borða á Lauga-ás í fyrradag og ég fékk mér blálöngu sem var ofsa góð. Keypti keilu í fyrsta skipti á síðasta ári og féll alveg fyrir henni, mamma kom svo um daginn með löngu handa mér og ég féll alveg fyrir henni. Þessar tegundir eru líka góðar upphitaðar daginn eftir, ég gæti ælt við að borða ýsufiskrétt daginn eftir.

Út úr húsi

Linda Rós — Sun, 07 Feb 2010 21:00:07 +0000

Ég komst út úr húsi á föstudaginn, Kjartan vinur minn kom og sótti mig og við fórum og fengum okkur pizzu á Eldsmiðjunni, það var meira að segja afgangur af mínum helmingi sem fékk að koma með heim í kassa og var étinn í gær :-)

Horfðum svo á videó, fyrst á Star Trek: First Contact og byrjuðum svo að horfa á Robin Hood: Men in Tights en hún var á videóspólu og við gátum ekki spilað meira en ca korter af myndinni *hágrát*. Fórum þá að horfa á James Bond: Goldfinger. Vinur minn sofnaði yfir henni og hraut hástöfum, Ronja greyið vaknaði, reisti sig mygluð upp og horfði á orsök óhljóðanna með undrunarsvip !

Rosalega var gott að komast út úr húsi. Fólk sem kemur i heimsókn með mat, býður mér út úr húsi eða býður mér í mat er alveg pottþétt á vinsældalistanum þessa dagana. Liðu 8 dagar um daginn þar sem ég hitti engan !

Sushi

Linda Rós — Wed, 13 Jan 2010 23:54:18 +0000

Mér var boðið í Sushi af sætum stráki í dag. Ég hef aldrei verið sannfærð um að ég sé Sushi manneskja, sérstaklega ekki þar sem það er þari í þessu og það er grunur um að ég sé með þörungaofnæmi. En þar sem ég er að lifa eftir “prófa allt einu sinni” og að reyna að ögra mér þá ákvað ég að smakka (var alveg búin að gera honum grein fyrir að mér fyndist mjög ólíklegt að mér þætti þetta gott) og mér fannst þetta eiginlega alger viðbjóður. En ég get þó allavega sett þetta á listann yfir eitthvað nýtt sem ég hef prófað ! :-)

Saffran

Linda Rós — Wed, 11 Nov 2009 21:04:39 +0000

Ég fór á Saffran í hádeginu í dag, í annað skipti sem ég fer þarna. Mér finnst matseðillinn alveg gífurlega girnilegur þarna og langar eiginlega til að prófa allt ! Síðast fékk ég mér humarsalat, núna fékk ég mér kjúklingapizzu. Finnst reyndar leiðinlegt hvað það er svakalega langur biðtími þarna og svo er staðurinn ekki neitt voðalega kósý enda fórum við í heimahús að borða þetta.

Quote dagsins: Vel gert

Shalimar

Linda Rós — Fri, 23 Oct 2009 11:42:02 +0000

Ég fór út að borða í gær á stað sem heitir Shalimar (indverskt/pakistanskt) og er í Austurstrætinu, ég hafði aldrei heyrt um þennan stað en hann hefur víst verið þarna í dágóðan tíma. Maturinn var mjög góður, ég fékk mér Murgh Madras Curry (Kjúklingur í Madras-karrý kryddsósu með rjóma og kóriander) og hvítlauks nanbrauð. Mæli hiklaust með þessum stað. Ef ljósin væru aðeins dimmuð og ekki alveg jafn þröngt á milli borða þá myndi hann vera enn betri.

Ég var að hitta strák sem ég hafði bara spjallað við á msn og hélt ég myndi fæ vægt hjartaáfall yfir daginn af stressi, en ég lifði af, augljóslega ;-) Skil ekki hvernig fólk getur stundað blind date hægri vinstri, ég yrði að fá ávísað róandi töflum allavega ! ;-)