Á sunnudaginn fór ég með Ingu í Smáralindina til að leita að skóm á mig og þeir fundust ! Ótrúlegt en satt og bara frekar ódýrir ! Stígvél með smá hæl (hef ekki átt skó með hæl í mjög mörg ár, út af bakinu á mér, en mig langaði og vona að það gangi upp) ! Fórum í Levis búðina og þar var 35% afsláttur af gallabuxunum sem ég var búin að vera að spá í svo þær voru keyptar líka ! Búin að fá hrós á rassinn minn í þeim frá hommum, konum og stelpum (sem segir kannski til um hvaða fólk ég umgengst mest!). Stígvélin ganga bæði við buxurnar og pilsin mín, svo alger snilld ! Ég er bara að verða nokkuð ánægð með fataskápinn minn !
Ég fór í Oasis þarsíðasta föstudag en þar voru Tax Free dagar og ég keypti heilan helling af fötum, sem kostuðu samt alltof mikið en mig bara vantaði föt. Ég keypti kápu, 3 peysur, rúllukragabol, trefil (rauðan!), sokkabuxur og pils.
Ég fór líka og keypti mér húfu og vettlinga í 66° norður.
Fór svo núna í vikunni og keypti brjóstahaldara og nærbuxur í Debenhams, Esprit.
Núna held ég að fataskápurinn sé svona nokkurn veginn kominn í gott lag.
Ég er komin niður fyrir fatastærð 8/34 í buxum og pilsum og hvað gera menn þá ?! Mér finnst ég alltaf vera að sjá algerar horrenglur út um allt en er ekki að fatta hvar þær versla fötin sín.
Spurning um að fara að ganga bara nakin eða í samfestingum (en þeir eru reyndar örugglega ekki til í svona litlum stærðum).
Inga vinkona sagði mér að fara bara að éta kökur…
Annars er ég að spá í að fara að fjárfesta í mínum fyrstu gallabuxum í ca 17 ár eða svo. Mér finnst helsti gallinn við þær að mér finnst þær ekkert voðalega þægilegar og sama hve horaður maður er, þær búa alltaf til bumbur ;-) En aftur á móti gera þær rassinn og lærin flott :D
Nýja Lindan sem er að reyna að vera aðeins flottar tilhöfð ;-)
Ég lét mig hafa það að fara veik í bæinn til að komast í litun og klippingu, lét setja í mig sama lit og síðast, mokka. Ég er svakalega ánægð með þennan lit, verst að ég þarf þá að fara oftar en ég ætla að láta á þetta reyna í smá tíma. Ég lét líða 2 mánuði á milli núna og það var komin smá rót.
Ég lét hana setja á mig topp, bara svona til að prufa og úff stór mistök, geri það ekki aftur. Er með of mikið af sveipum í hárinu til að það gangi upp. En ég greiði hann bara til hliðar í þennan fína hliðartopp ;-)
Af einhverjum ástæðum er ég búin að vera að léttast dálítið síðustu vikur, ég hef alltaf verið frekar lítil matmanneskja og alltaf verið að vonast eftir að geta tekið bara 1 litla töflu á morgnanna og þurfa ekki að borða það sem eftir er dagsins ;-) Stundum tek ég líka skorpur þar sem mér finnst matur æði og ét yfir mig. Skýringin gæti kannski verið að það er sjaldnar eldað hérna og sjaldnar étið junk og svona en þegar ég bjó í bænum. En allavega þá segir vigtin að ég sé 53,5 kíló. Þegar ég var sem þyngst, sem var sennilega fyrir um tæpum 2 árum þá var ég 10 kílóum þyngri, hætti svo að borða nammi og léttist um alveg 6-7 kíló. Ég hef ekki verið svona létt síðan rétt eftir tvítugt. Það fyndna samt að ég sé engan mun á mér, nema hvað fötin virðast vera að stækka. Enda hef ég engan svona þyngdarradar á mér, fólk þarf að fitna/grennast mjög mikið til að ég taki eftir því.
Ég var komin með rosalegan leiða á hárinu og fór því til hárgreiðslupíunnar minnar og kom svona út:
