Ég fór í búð fyrir múttu í dag og sótti svo einn starfskraftinn og skutlaði í sjoppuna. Hitti Björk og Jarl í leiðinni. Fór svo að hitta bestu ættina í Kjósinni heima hjá föðurbróður mínum, en það er orðinn árlegur viðburður. Ég kom ekki með neitt á grillið, bæði því það er voða erfitt að kaupa eitthvað á grillið þegar maður er einn og líka því maginn á mér var búinn að vera svo slæmur. Hafði enga lyst á hamborgara eða pylsu, mér var annars boðið bæði af bestu ættingjunum. Ella Bára frænka var með auka kjúklingabringu og var svo elskuleg að gefa mér, ég borðaði hálfa og salat með. Þorði ekki að fá mér sósu eða kartöflusalat. Takk frænka að gefa mér að borða ! :-) Það er alltaf æði að hitta ættingjana ! Ég er alveg viss um að betri ætt sé ekki til ! Við vorum svo að tala um að fara í magadans í haust nokkrar frænkur og ganga Leggjabrjót. Svo kom ísbíllinn í hlað og hringdi bjöllunni og allir krakkarnir fengu ís !
Það gerðist eitt mjög skondið, ég og einhleyp frænka mín vorum að spjalla saman þegar frændi minn kemur að, tölvunarfræðingur, nýbyrjaður á nýjum stað og ég spyr hann hvort það séu ekki einhverjir álitlegir einhleypir karlmenn að vinna með honum. Það kom bara skrýtinn svipur á hann og ég var ekki að skilja af hverju, ég meina við frænkurnar erum eðal ! Þá kom í ljós að hann er að vinna með mínum fyrrverandi. Ég hló dálítið. Lítið land ;-)
Ég fór svo í bæinn, skutlaði Mannsa frænda í leiðinni og fór svo og hitti Berglindi í World Class Laugum. Ég gekk í 25 mínútur í halla 10 og 5 mínútur í halla 14, fór svo í 10 mínútur á stigavélina og aðeins á báðar skíðavélarnar.
Ég fór á Hjaltalín og Sinfó áðan og það var æði ! Eins og sjá má á póstinum fyrir neðan voru heilmiklar pælingar í þessu en ég sá engan veginn eftir þessu og það er bara allt í lagi að fara einn á svona viðburði, fyrir utan að hafa ekkert að gera í hléinu en maður getur leyst það bara með bók eða eitthvað !
Ég er alltaf í vandræðum með að finna fólk til að gera eitthvað svona með mér, fara í leikhús og svona. En ég sé að ég get bara hætt þessu veseni og farið bara ein !
Tónleikarnir voru æði, Sinfónían gerir náttúrulega allt milljón sinnum betra ! Mér fannst söngvararnir svo mikið krútt. Ég einhvern veginn hélt að söngkonan héti Rebekka og hin Sigríður en var að hugsa það á tónleikunum að Sigríðarnafnið ætti betur við söngkonuna og Rebekka við hina. Fór svo inn á Myspace síðuna og sá að ég hafði haft rangt fyrir mér með nöfnin, söngkonan heitir Sigríður. Mér fannst það frekar fyndið.
Ég þarf klárlega að fara á fleiri Sinfóníutónleika, ætla allavega á Pál Óskar og Sinfó í haust !
Ég hef verið að velta fyrir mér heillengi hvort ég ætti að fara á Hjaltalín og Sinfó en enginn sem ég talaði við sýndi áhuga á að koma með og ég var ekki viss hve mikið ég fíla Hjaltalín, finnst mörg lögin mjög góð en hef heyrt lög sem mér finnst ekkert spes. Ég sá Hjaltalín svo í miðbænum 17. júní og ákvað að ég yrði eiginlega að fara. En svo fór ég að hugsa að það nennti enginn með mér og þetta væri nú frekar dýrt og hvað ef ég fíla ekki tónleikana. En Linda Rós. 3.0 yfirgnægði Linda Rós 1.0 og ég bara keypti mér einn miða og fer ein !
Þetta á eftir að vera átak, ég er voða lítið fyrir að gera eitthvað ein. Hef ekki einu sinni farið ein í bíó eða setið á veitingastað/skyndibitastað ein að borða ! Þetta á eftir að vera áhugavert !
Ég fór í miðbæinn í gær, ótrúlegt en satt ! Ég var hálf farin að örvænta með að enginn myndi nenna að koma með en mér tókst að finna fórnarlamb ! Haukur vinur minn var svo góður að koma með. Ég sótti hann eitthvað eftir 2 leytið og við fórum aðeins í vinnuna hans. Fórum svo í bæinn og fengum okkur bernaisesósuhamborgara á Café Paris. Hann var rosalega góður nema hefði mátt vera meiri bernaise sósa ! Við röltum svo um bæinn og mig langaði svakalega í andlitsmálningu eins og hin börnin en Haukur var ekki sannfærður !
Mér finnst alltaf jafn magnað að vera á svona fjölmennum stað og maður hittir nánast engan sem maður þekkir, ég hitti 2 sem ég þekki og það eru manneskjur sem ég hitti mjög reglulega í sveitinni !
Við skruppum svo aftur í vinnuna til Hauks og svo aðeins heim til mín, að hleypa Ronju aðeins út og svona og fórum svo aftur í miðbæinn. Fórum aðeins á Súfistann og fengum okkur að drekka og ég las aðeins í Super Freakonomics bókinni, verð að lesa þessar bækur, hún kostaði 5490 eða eitthvað álíka, held ég panti hana frekar á bókasafninu eða kaupi hana úti í haust !
Við fórum svo á Arnarhól og fengum okkur sæti á rónabekknum. Það var svakalega kalt og rigningarlegt, dropaði af og til og svo var farið að rigna aðeins. Ég sá alveg að ég þarf að mastera þetta, næst verð ég betur klædd, með húfu og vettlinga, með teppi og kakóbrúsa ! Við hlustuðum á nokkrar hljómsveitir sem ég hafði aldrei heyrt minnst á en svo var Hauki orðið svo kalt að ég keyrði hann að sækja bílinn sinn. Ég fór svo aftur niður í bæ og kom rétt í tæka tíð til að sjá SalsaIceland sýninguna, þar hitti ég Óla og Guðrúnu Helgu og fór með þeim og fleira salsa liði að horfa á Diktu. Þau fóru svo á Thorvaldsen á salsakvöld en ég varð eftir og kláraði að hlusta á tónleikana.
Ég er mjög stolt af mér ! Gafst ekki upp fyrr en ég fann einhvern til að fara með ! Var þarna meira og minna frá ca 3-11 ! Fór ein niður í bæ eftir að ég skilaði af mér vini mínum, var ekkert viss um að ég myndi finna einhvern til að hanga með ! Varð eftir þegar liðið fór og stóð ein á Arnarhóli (eða tja ein og ekki ein, hellingur af fólki) í örugglega hálftíma !
Ég var í maraþon Trivial Pursuit spilakvöldi í gær, það var æði ! Mér finnst Trivial Pursuit langskemmtilegasta spilið ! Þetta var hálfgert afmælisboð hjá kærasta sambýlismanns vinar míns (flókið?). Það voru 8 hommar, 3 gagnkynhneigðir kvenmenn og 3 gagnkynhneigðir karlmenn.
Ég var náttúrulega í sigursliðinu í fyrsta roundinu, í næsta roundi fóru svo margir að við hættum, í síðasta roundinu vorum við bara 4 eftir, einn sofnaði og ég var farin að svara bara fyrir bæði liðin.
Mér finnst svo rosalega gaman að svona kvöldum, geri þetta alltof sjaldan !
Ég fór í gær að hitta HR tölvunörda, fólk sem var á sama tíma og ég í tölvunarfræðinni. Ég gat nú ekki nefnt meirihlutann með nafni ! Suma kannaðist ég ekki einu sinni við að hafa séð áður og nokkrir spurðu mig hvort ég hefði í alvöru verið í tölvunarfræðinni. En það er ekki seinna vænna en að kynnast skólafélögunum 6 árum eftir útskrift ! ;-)
Þau byrjuðu á að fara út að borða á Horninu en ég var í afmælismat heima hjá múttu svo ég mætti þegar þau voru búin að borða. Ég var smá stund á Horninu en við fórum svo yfir á English Pub. Ég var búin að drekka um 3-4 hvítvínsglös hjá múttu og fékk mér svo Smirnoff Ice á English Pub (sem kostaði litlar 1100 kr. ! enda fékk ég mér ekki annan!). Hlynur vinur minn var svo góður að koma með hvítvíngslas fyrir mig og Bestla var í vandræðum með of mikinn bjór svo ég drakk nokkra sopa ! Nýja Lindan verður að gefa öllu séns ! Við fórum svo yfir á Ellefuna þar sem var tilboð á ýmsu áfengi og þar bauð Ívar mér upp á skot. Ég var nú alveg farin að finna á mér og lét gott heita.
Það voru nokkrir ókunnugir að bjóða mér upp í dans eða út að spjalla! en ég var ekki sannfærð. En tveir úr hópnum buðu mér að dansa og ég þáði það ! Það var ofsa gaman, annar snéri mér út um allt og hinn tók nokkur salsaspor með mér ! Ég vildi óska að ég kynni að dansa!
Þetta var ÆÐI !!! Voða fegin að ég fór !! Fyrsta djammið mitt niðrí bæ síðan svona ca árið 2000 ! Djamm nr. 2 síðan ca árið 2000 ! Verð pottþétt að gera þetta aftur !
Berglind vinkona var á bakvakt svo hún var svo góð að skutla mér heim og ég var komin heim örugglega rétt fyrir 4. Fór svo að sofa um ca 5:30. Ég er að reyna að halda sólarhringnum í lagi svo ég stillti klukkuna á 12:30 til að ég myndi ekki sofa lengur.
Ég var nú smá efins um þetta, þekkti svo fáa þarna, Linda Rós 1.0 hefði aldrei mætt en Linda Rós 3.0 er undir áhrifum myndarinnar Yesman (upp að skynsamlegu marki!). Hefði ekki trúað því að mér myndi finnast þetta svona gaman !
Og nei ég er ekki þunn ! :Þ
Ég nýtti síðasta dags Goslokatilboðsins (kostaði 1000 kr., í dag kostar 2300 kr!) og fór í Bláa lónið í gær. Þetta var í fyrsta skipti sem ég kom í “nýja” lónið, alltaf verið á leiðinni ! Ég varð fyrir smá vonbrigðum, lónið var alveg svakalega kalt og það eina sem maður var að spá í var að finna nógu heitan stað til að vera á og þetta var eina umræðuefnið sem maður heyrði í kringum sig. En það var voðalega snyrtilegt allt þarna.
Ég sendi tölvupóst á þá og spurði hvort þetta væri eðlilegt og fékk það svar að vegna óhagstæðrar vindáttar og bilunar í hitaveitu hefði veirð óvenju kalt í lóninu í gær og ég fæ boðsmiða. Ég var spurð hvað við vorum mörg og það var nú freistandi að segjast hafa verið fleiri en ég kann svo innilega ekki að ljúga.
Ég er mjög stolt af mér að hafa farið, mér finnst ég ekki beint sexy þessa dagana, með um 100 rauða díla eftir flóabit, öll út í marblettum og sárum… en ég lét mig hafa það !
Linda Rós 3.0 rokkar !
Ég fór í matarboð heim til Sigurgeirs vinar míns. Við ætluðum upphaflega að gera eitthvað saman á afmælinu mínu en hann var upptekinn í próflestri svo það datt upp fyrir svo hann bauð mér í mat í kvöld. Fjölskylda hans var öll að heiman.
Ég fékk eðal mat og eðal gjafir, fyrir utan náttúrulega eðal félagsskapinn !
Ég fór í gær í afmæli til Atla sem er 27 ára í dag. Það var mjög gaman, það var boðið upp á Sushi sem ég lét nú alveg vera. Auður vinkona hans kom svo með franska súkkulaðikökum með heslihnetum, ég hélt að frönsk súkkulaðikaka væri toppurinn en frönsk súkkulaðikaka með heslihnetum er betri ! Ég fékk uppskriftina og verð að baka þetta við tækifæri !
Við spiluðum tvær umferðir af Trivial, báðar frekar stuttar en það var svaka gaman. Mér finnst svo gaman að spila og geri alltof lítið að því ! Í fyrri umferðinni var ég með Róberti og Gesti í liði en í seinni með Atla og sennilega Auði. Atli vann bæði skiptin, enda sanngjarnt að afmælisbarnið vinni (tek nú fram að honum var nú ekki gefið neitt).
Ég var með myndavélina en steingleymdi að taka myndir !
Kolbeinn bauð okkur mömmu á vortónleika Karlakórs Kjalnesinga í Guðríðarkirkju. Tónleikarnir voru algert eyrnakonfekt (Bjarni Ara var gestasöngvari) og augnakonfekt (þið hefðuð átt að sjá trommuleikarann). Bjarni Ara tók m.a Karen sem lætur mig alltaf fá gæsahúð. Veit ekki hve oft ég hlustaði á þetta lag í gamla daga og ég og Valgerður æskuvinkona mín eyddum miklum tíma í að skrifa niður textann. Það var klárlega fyrir tíma google ! ;-)
