Mánudagur: Bláa lónið með BÓÓ.
Þriðjudagur: Bíó með BÓÓ og SMS.
Miðvikudagur: Sumarhátíð Bleikt.is með LDH og KE (massíf kvíðaæfing, svo stolt af mér!)
Fimmtudagur: Búri með ES (massíf kvíðaæfing, svo stolt af mér!).
Föstudagur: Leikhús með BÓÓ, SMS og KM (kvíðaæfing).
Laugardagur: Útskriftarpartý hjá brósa.
Sunnudagur: Afmæliskaffi hjá mömmu. Langur göngutúr um Grafarvoginn með KM og Ronju.
Mánudagur: Bernaise hamborgarakvöld með EDA, AC, HBE og HBÍ.
Þriðjudagur: Göngutúr um Geirsnef með SS, Ronju og Dodda.
Miðvikudagur: Heimsótti IÞE í vinnuna og fór í heimsókn heim til GGG.
Fimmtudagur: Heimsótti IHG og KSK og fór með franska súkkulaðiköku.

Mikið um ögranir þarna. :-)

Ég hvet alla til að ögra sér, fara út fyrir þægindahringinn, og skrá niður hjá sér hvernig það fer, í langflestum tilfellum fara hlutirnir vel og við verðum stolt af sjálfum okkur og sjálfstraust okkar eykst. :-) Nú ef hlutirnir fara ekki nógu vel þá lærum við af þeim og lærum hvar okkar mörk eru. :-)

En þetta var kvíðaæfing dauðans:
- Ég fór með stelpu sem ég þekki voða lítið og aldrei hitt (en hef verið að tala við í Facebook skilaboðum í 9 daga) og vinkonu hennar sem ég þekki ekkert. Eigum við eitthvað að ræða hvað það er erfitt að hitta nýtt fólk, sérstaklega í svona aðstæðum þar sem ég þekki engan!
- Ég var að fara á nýjan stað, sem mér finnst alltaf óþægilegt.
- Ég var að fara á stað þar sem væri fullt af fólki, sem mér finnst alltaf óþægilegt.
- Ég var að fara á stað þar sem yrði fullt af ókunnugu fólki, sem mér finnst alltaf óþægilegt.
- Ég átti á hættu að hitta manneskju sem mig langar alls ekki til að hitta.

En þetta bara gekk allt vel! Stelpurnar voru voða góðar barnapíur fyrir mig, það var ekkert voðalega mikið af fólki og ég hitti ekki manneskjuna sem mig langaði ekki til að hitta!

Haffi Haff blikkaði mig og ég sá tvennar geirvörtur, sem tilheyrðu ekki sömu manneskjunni!

Ég er svooooooooooooooooooooooo stolt af mér! *klappa sér á bakið*