Linda Rós 3.0

Förðun

Linda Rós — Sun, 14 Mar 2010 00:50:37 +0000

Ég held það sé kominn tími á að Linda Rós 3.0 læri að farða sig. Er að íhuga að athuga með námskeið, augnskuggar og eye liner til dæmis eru hlutir sem ég kann ekkert á. Ég lærði þó að nota kinnalit fyrir rúmu ári síðan ! Væri fínt að læra þetta fyrir þrítugsafmælið ! Einnig kann ég ekkert að greiða mér og gera eitthvað flott, en sem betur fer er slétt hár alltaf fínt ;-)

Það vantar ýmisleg kvengen í mig, eins og snyrtivaragenið og verslunargenið ;-)

Húsdýragarðurinn

Linda Rós — Sun, 14 Mar 2010 00:24:17 +0000

Ég fór í Húsdýragarðinn í dag, það var æði ! Ég hef ekki farið í 6 ár, trúið þið því ? Ég geri það nefnilega ekki. Hef alltaf verið á leiðinni en svo bara allt í einu komin 6 ár.

Ég klappaði kiðlingunum, hestunum og kálfi. Dauðlangaði að fara og knúsa selina en kannski næst ! ;-)

Kom mér á óvart hvað allt þarna er illa viðhaldið, eins og t.d öll útiskiltin og svona.

Ég tók yfir 100 myndir, er það ekki alveg örugglega eðlilegt við heimsókn í Húsdýragarðinn, ásamt því að fara barnlaus og brosa allan hringinn af eintómri hamingju yfir dýrunum ? Við mættum svo seint, 45 mínútur fyrir lokun svo við rétt náðum bara að skoða allt einu sinni, ég gæti eytt deginum þarna og tekið mikið fleiri myndir !

Göngubúnaður

Linda Rós — Sat, 13 Mar 2010 23:29:28 +0000

Ég þarf að græja mig upp fyrir sumarið, þyrfti að finna vana útivistarmanneskju til að fara með mér í búðir.

Mig vantar:
Gönguskó
Göngubuxur
Gönguföt (boli, jakka ofl)
Ferðakíki

Mig langar rosalega í:
GPS tæki (eða skrefmæli til að byrja með, gaman að vita hvað maður er að labba langt og hvað lengi)

Göngutúr í Búrfellsgjá

Linda Rós — Sat, 13 Mar 2010 23:20:36 +0000

Búrfellsgjá
11. mars 2010
Göngufélagi: Ívar og Ronja

Mjög falleg og skemmtileg leið og lítið af fólki (fyrir utan risa stóran hóp sem átti leið þarna um). Ég hafði smá áhyggjur af að þetta yrði álag fyrir bakið en það var alveg í lagi, aftur á móti var löppin að trufla mig talsvert, enn smá doði í henni en það hefur ekki verið að trufla mig lengi enda ekkert verið að ganga á ósléttu. Þarf líka að græja betri skó held ég.

En það var yndislegt að komast loksins í alvöru göngu, í góðu veðri og góðum félagsskap :-)

WP Stats

Linda Rós — Wed, 03 Mar 2010 15:11:48 +0000

Skv Wordpress Stats sem segist ekki telja mínar eigin heimsóknir á þessa síðu hafa verið 98 heimsóknir á hana ! 98 ! og klukkan er bara 15:08 !

Það hlýtur einhver að vera öflugur á refresh takkanum eða allar leitarvélar heims kíkt hérna inn því ég þekki ekki 98 manneskjur sem lesa bloggið mitt né trúi að svo margar manneskjur hafi áhuga á því ;-)

Update: Dagurinn endaði í 162 heimsóknum

Sumarið

Linda Rós — Wed, 03 Mar 2010 14:45:48 +0000

Ég vona að þetta sumar verði gott veðurfarslega. Mig langar að gera helling. T.d
- Göngutúrar
- Útreiðatúrar
- Fjallgöngur
- Ferðast (hvort heldur sem er dagsferðir eða lengra, helst bæði!)
- River Rafting í austari Jökulsá
- Hellaskoðanir
- Dansa
- Hitta fólk
- Grilla
- Deita
- Synda/vaða í vatninu í Arnarfelli ef það verður nógu hlýtt úti
- Fara í sumarbústað
- Jeppaferð
- Snjósleðaferð / fjórhjólaferð eða eitthvað í þeim dúr
- Leikhús
- Söfn
- Sund
- Heita laug
- Gay Pride
- Leikhús
- Sjósund
- Keila

… og örugglega eitthvað fleira sem mér dettur ekki í hug núna… hverjir eru memm ?! Mig vantar klárlega mann / vini / öflugan vinahóp sem er til í allt og áreiðanlegir !

Ef þið hafið einhverjar hugmyndir um skemmtilega staði nálægt höfuðborginni þá vantar mig alltaf hugmyndir !

Linda Rós 3.0

Linda Rós — Wed, 03 Mar 2010 12:23:21 +0000

Ég er búin að uppfæra mig, er orðin Linda Rós 3.0 og annað eins eðal eintak hefur bara sjaldan sést !

Ég uppfærði upp í Linda Rós 2.0 þegar ég fór að takast á við kvíðann og núna þegar bakið virðist vera komið í lag þá var kominn tími á að uppfæra í Linda Rós 3.0. Ég veit nú ekki hvort það munu verða fleiri uppfærslur, en maður á nú alltaf að reyna að bæta sig !

Matarræði

Linda Rós — Wed, 03 Mar 2010 11:44:08 +0000

Ég hef nú aldrei verið sérlega skynsöm í matarræði, oft lifað á brauði og morgunkorni. Sérstaklega eftir að ég hætti í sambandi með gaur sem er snillingur í eldhúsinu og sá um megnið af eldamennskunni. En ég er alveg að slá öll met núna, ég er bara alltaf lystarlaus, langar ekki í neitt, oft óglatt og er bara að borða alltof alltof lítið. Þegar ég steig á vigtina um daginn, sýndi hún 51,4 kg. Ég held ég hafi ekki verið svona létt síðan í menntaskóla ! Skv BMI er allt undir 54 kg vannæring, ekki það að ég líti á BMI sem einhvern sannleika, en ágætis viðmiðun. Ég fór og keypti mér Build up pakka um daginn, hef gert það stundum í gegnum tiðina þegar ég fer á svona skeið. En ég er með eitthvað jafnvægisskyn sem veldur þessari ógleði, verð líka bílveik, flugveik, sjóveik ofl. Segi oft að ég verð dagsdaglega veik ;-)

Ef einhver veit um karlkyns einhleypan næringafræðing… eða karlkyns einhleypan snilling í eldhúsinu þá endilega beinið þeim til mín ;-)

Fiskur

Linda Rós — Wed, 03 Mar 2010 11:39:00 +0000

Ég er alveg hætt að borða ýsu, nema ef mér er boðið upp á hana þá borða ég hana náttúrulega. En ég er búin að uppgötva töfraheima fisktegunda og núna er ég voðalega hrifin af keilu og löngu. Mamma var svo góð að bjóða okkur Rúnari út að borða á Lauga-ás í fyrradag og ég fékk mér blálöngu sem var ofsa góð. Keypti keilu í fyrsta skipti á síðasta ári og féll alveg fyrir henni, mamma kom svo um daginn með löngu handa mér og ég féll alveg fyrir henni. Þessar tegundir eru líka góðar upphitaðar daginn eftir, ég gæti ælt við að borða ýsufiskrétt daginn eftir.

Útstáelsi

Linda Rós — Wed, 03 Mar 2010 10:00:20 +0000

Í gær fór ég aðeins út á flakk, í fyrsta skipti held ég bara á árinu ! Kalli var í vaktafríi og kom og sótti mig um 10 leytið og við skelltum okkur á bókamarkaðinn þar sem ég keypti bara 4 bækur ! Kraftaverk gerast, ég þarf alltaf að passa mig gífurlega í kringum bækur, einu skiptin sem mér finnst gaman að kaupa eitthvað ! Við fengum okkur svo súpu og brauð í Perlunni sem var fínt, löbbuðum upp og úff hvað lappirnar á mér voru ekki að samþykkja þetta, ansi mikið af lélegum vöðvum eftir allt þetta aðgerðaleysi ! Við kíktum svo í Elko, Intersport og Smáralindina

Ég keypti Gerðu besta vin þinn betri, það má reyna að ala Ronju betur upp ! Athyglisbresturinn og ofvirknin gera það samt erfitt ! og keypti Einhvers konar ég eftir Þráinn Bertelsson (en hann bjó í nokkur ár í sveitinni minni þegar hann var lítill, þetta er s.s ævisagan hans) og svo 2 Anne Hooper bækur.

Annars er greinilegt að ég er búin að vera að vinna mikið í mínum málum undanfarið ár, ég var alveg föst í handbókadeildinni á Bókamarkaðinum og það voru nokkrar kennslubækur sem ég hugsaði að kaupa. M.a Til fyrirmyndar – Heildstæður stuðningur við jákvæða hegðun og Lifsmennt – Viðfangsefni í lífsgildum fyrir 3-7 ára. Var líka að spá í bókum eins og Þú ert þinnar gæfusmiður og Mannlaus veröld. En svo ákvað ég eiginlega bara að forða mér áður en ég myndi kaupa hálfa deildina !